CYMA-in Ramdinpuii tualthihnaah thuneitute ṭawiawm turin an ngen

Central YMA chuan thuchhuah siamin, H Ramdinpuii (15) d/o H Lalawmpuia, Mualṭhuam North thattu zawn chhuah a nih theih nan thuneitute ṭawiawm turin YMA member-te an ngen.

Mi kut tuara H Ramdinpuii a thi chu pawi an ti a, an lainat tak zet thu tarlangin CYMA chuan, "He tualthihna chungchangah hian pawikhawihtu zawn chhuah a nih ngei theih nan YMA member zawng zawngte thuneitute ṭawiawm turin kan ngen a ni," an ti.

CYMA chuan, Ramdinpuii tualthihna chungchangah social media-ah fimkhur turin mi tin an ngen a, "Hetiang thil rapthlak hi thleng tawh lo se kan duh," an ti a; H Ramdinpuii'n a kalsan a chhungte leh a lainate an tawrhpui thu an tarlang.