Sorkar hnathawkte'n property return an thehlut ṭha tâwk lo

Mizoram sorkar hnathawkte'n immovable property return an thehlut ṭha tâwk lo a, chuvang chuan Council of Mi­nisters chuan property return thehlut ṭha lote chu an hlawh hrènsak turin thutlukna a siam.

Vanglaini palai zawhna chhangin chief secretary Lalnunmawia Chuaungo, Vigilance changtu chuan, property return thehlut lo sorkar hnathawk zingah hlawh hrènsak an la awm loh thu a sawi a, "Council of Ministers thutlukna kha sorkar kum thar aṭanga hman ṭan tur a ni. Nakkuma property return thehluh huna thehlut lote chu an hlawh hrênsak a ni ang. Sorkar hnathawkte'n property return an thehluh ṭhat tâwk loh avangin Cabinet agenda atan put luh a ni," a ti.

September 30, 2019-a Council of Ministers ṭhukhawm chuan Vigi­lance department aṭanga agenda lut, 'With­holding of pay of govern­ment servants who fail to submit Annual Statement of Immovable Property Returns' tih chu an sawiho hnuah an pawm a ni.