KHAWTHLIR

Mizoram Government Doctor Association leh Indian Medical Association, Mizoram Branch hruaitute leh Central YMA hruaitute chuan nimin khan CYMA pisaah HIV/AIDS a darh zel lohna atana hmalak dan tur an sawiho. MGDA, IMA leh CYMA chuan theihtawp chhuaha HIV/AIDS do kawnga thawhho an tum a ni.

Vairengte khua chuan nimin khan Vairengte High School golden jubilee lawmna leh haw rûnpui hun an hmang a, bialtu MLA Lalrinsanga Ralte, Rubber & Allied Crops vice chairman-in a hmanpui. MLA chuan, Vairengte mipui chu ramri hnaiha awm, hnam dangte hmuh hmasak leh tlawhpawh reng an nih avangin, nun fimkhur tur leh Mizo nihna lantir fo turin a chah.

November 5, Thawhlehni zan dar 6:15 vel khan Thenzawl Venghluna MIZOFED Filling Station (petrol pump) a kâng a, a kan nasat lutuk hmain ṭhelhmih a ni. Thenzawla chanchinbu Vantawng editor Lian­tluanga Renthlei sawi danin, petrol phur truck/tank lorry aṭanga petrol an lak chhuah (unload) laiin kângmei a chhuak a ni.

MJA General headquarters Executive Committee, November 5, 2019-a ṭhukhawm chuan MJA member atan Lalvansanga Pautu (The Zozam Times), Lalruatkima Renthlei (Zalen), Lalnunkimi Colney (Mizoram Post), Lal-

chhanhima (LPS), Isaac Zoramsanga (Northeast Live) leh Lalthanghuta (Hnahthial Times)-te lak luh a remti.

Serchhip district-a Registrar of Births & Deaths (RBD) annual training, Serchhip DRO office conference hall-a neih chu nimin khan khâr a ni a, khàrna inkhawm hi district registrar Sang-chhin Chinzah, bawrhsapin a hmanpui. Ser-

chhip DC chuan ram hmasawnna atan statistics dik leh rintlak kan mamawh thu a sawi a, "Democracy ram kan nih angin khua leh tui chhinchhiahna fel tak kan mamawh a ni," a ti. Training-ah hian birth certificate leh death certificate pek chhuah dan endikna neih a ni a, Registrar of Births & Deaths hmanrua-te sem a ni bawk.