Adhoc M/S-te'n nawrh an titawp

Mizoram Govt. Adhoc Aided Middle School Teachers' Association chuan an sikulte sorkara dah (provicialise) tura sorkar nawrna atana August 3, 2026 aṭanga hma an lakna chu August 12, Nilaini khan an titawp a, nimin aṭangin sikul an kai leh ṭan.

MIGAMSTA hian chawlhkar liam ta chhung badge dum an bel hnuah August 10 aṭangin mass casual leave an la a, ni thum chhung mass casual leave an la hman. "Lungawi lohna kan lantir chu School Education Minister min ngenna angin tihtawp rih a ni. Dt. 19.8.2026 hian Minister hoa meeting tur a ni a, chumi thu azir chuan hmalak leh tur a nih dawn avangin member-te lo inkau sa ṭheuh turin kan inngenin kan inhriattir e," an ti.

MIGAMSTA-ah hian Mizorama middle school 44 aṭangin zirtirtu 270 an tel a; MNF sorkarin kum 2023-a a provincialise tawh angin, provincialise leh vek turin sorkar an phût a ni.