Larsapin MPSC member atan K Lalrinzuali, IAS a la lut

Governor Gen. Dr Vijay Kumar Singh chuan nimin khan Raj Bhavan-ah Mizoram Public Service Commission (MPSC) member atan K Lalrinzuali, IAS (Rtd) chu rinawmna thu tiamtirin a la lut.

MPSC member lak luhna inkhawmah hian chief minister Lalduhoma, Assembly speaker Lalbiak-zama, minister panga - K Sapdanga, Vanlalhlana, C Lalsawivunga, Lalthan-sanga leh Lalrinpuii, leader of opposition Lalchhandama Ralte, minister of state pahnih - F Rodingliana leh Prof. Lalnilawma bakah, mi pawimawh dangte an tel.

K Lalrinzuali hi July 11, 1966-ah a piang a, kum 1992 khan Mizoram Civil Service (MCS) a zawm a, kum 2019 khan IAS-ah kai sangin, AGMUT cadre 2010 batch pek a ni. Mizoram sorkarah commissioner & secretary a nih mek laiin July 31, 2026 khan superannuation pension-in a chhuak a, MPSC member atan ruat nghal a ni.