RIPANS-ah hriselna lam zirhona

August 12-13, 2026 chhung khan Regional Institute of Paramedical and Nursing Sciences (RIPANS) Auditorium-ah 'From Research Question to Publication: Scientific Writing and Science Communication for Evidence-Based Allied Healthcare Practice” tih thupui zirhona buatsaih a ni a, mi 240 chuang an tel.

Zirhona hi damdawi lama thiamna nei - zirtirtu, zirbingmi leh zirlaite thiamna tihpunna atana buatsaih a ni a; a hawnna inkhawmah Indian Council of Medical Research (ICMR) director general hlui Dr VM Katoch khuallian a ni.

Dr VM Katoch chuan, Zoram Medical College and Hospital leh Mizoram University te nen thawhhona ṭha lehzual neih a pawimawh thu a sawi a; World Health Organisation chief scientist ṭhin Dr Soumya Swaminathan pawhin online kaltlanga chhimin, zirbingna leh finfiahna ṭha hmanga hriselna lam tihchangtlun a pawimawh thu a sawi.

Workshop-ah hian a ni khatnaah ICMR, PGIMER leh IISER-a mithiamte'n zirbingna, biostatistic, artificial intelligence leh study design chungchang an sawifiah a; ni hnihnaah data analysis, manuscript ziah dan, reference enkawl leh systematic review chung-changah hun hman a ni.