Consumer-te hamṭhatna tur rel

Lawngtlai District Consumer Protection Council chu an chairman Donny Lalruatsanga, district bawrhsap kaihhruaiin nimin khan an ṭhu a; consumer-te hamṭhatna tur leh awlsamna tur thil hrang hrang an rêl.

Ṭhutkhawmah hian eirawngbawlna gas (LPG) sem danah, uar zawka home delivery leh online payment kalpui tura hmalak an rêl a; gas bu (consumer card) tibo palh emaw, mitthi tawh hming thlak ngai leh DAC tihfel chungchangah hmalak a ṭul thu an sawi.

Dawrkai leh damdawi zuarte tan awareness campaign kalpui ni se, mipuite'n tui sem hunbi an hriat a ṭul avangin PHE hotute sawipuia hmalak ni se, an ti a; Lawngtlai district-in kawlphetha ṭha zawk a hmuh theih nan thuneitu sang zawkah thlen an rel bawk.