Kuhva rah leh heroin man

Assam Rifles leh Legal Metrology department mite chuan August 12, Nilaini khan Champhai district-a Mualkawi kawngah ram dang aṭanga dan loa lak luh nia hriat kuhva rah ip 155 (kg 12,400) an man. Kuhva rah hi cheng nuai 129.95 mana chhût a ni a, Champhaia Customs Preventive Force hnenah an hlan.

Assam Rifles leh Mizoram Police te chuan nimin khan Keifang huam chhungah Ashok Leyland truck aṭangin heroin gram 868 an man a; truck khalhtu leh handyman, hnam dang ve ve an man nghal a, Saitual Police Station-ah thubuai ziah luh a ni.