Mizo 2-in Sangeet Narak Akademi Award dawng

K Rosiama, Chanmari West leh Lawmsangpuia, Chanmari West te chuan August 13, Ningani khan President Droupadi Murmu hnen aṭangin Sangeet Narak Akademi Award an dawng.

Sangeet Narak Akademi Award dawng tur hian K Rosiama leh Lawmsangpuia te hi March 22-26, 2026-a Sangeet Natak Akademi General Council, New Delhi-a neihah thlan an lo ni tawh a; August 13 khan President Droupati Murmu hnen aṭangin an dawng ta a ni.

K Rosiama hian Folk Music category-ah Akademi Puraskar 2025 a dawng a, Lawmsangpuia'n Folk Dance & Music category-ah Ustad Bismillah Khan Yuva Puraskar 2025 a dawng thung.

Akademi Puraskar hian lawmman Rs 1,00,000, tamrapatra (dár phêk) leh sorkar hming chuanna shawl (angavastram) a keng a; Ustad Bismillah Khan Yuva Puraskar-in Rs 25,000, Tamrapatra leh Angavastram a keng.

Kuminah hian Akademi Puraskar hi mi 108-in an dawng a, Ustad Bismillah Khan Yuva Puraskar hi mi 106-in an dawng a ni.