Farkawnah science zirna hmun hawng

School Education minister Dr Vanlal-thlana chuan nimin khan Farkawn Senior Secondary School-a science zirna hmun a hawng a; zirtirtute ṭhahnemngaihna chu zirlaiteah a lang ṭhin tih sawiin, theihtawp chhuah zel turin zirtirtute a chah.

Farkawn Senior Secondary School-a science zirna hmun hi Samagra Shiksha hnuaiah cheng nuai 124.42 senga sak a ni a, a satu (contractor) chu Eastern Power Line, Zemabawk a ni.

Dr Vanlalthlana chuan, zirtirtute chu theihtawp chhuah reng tura chahin, "Zirtirtute ṭhahnemngaihna hi zirlaiteah a lan ngei ngei ṭhin," a ti a; zirna hmun hawn thar chu mi ropui chher chhuaktu ni ngei se a duh thu a sawi.

Education Minister hian nimin vek khan Khuangleng leh Khawbung tlawhin, khawtlang hruaitu, tlawmngai pawlte leh zirtirtute nen an inkâwm a; Khawbung Primary School-II leh Khawbung Higher Secondary School te harsatna leh mamawhte a hmunah a en bawk.