ZMCH-ah HIV/AIDS chungchang zirtir

National Health Mission (NHM) leh Mizoram State AIDS Control Society (MSACS) chuan nimin khan Zoram Medical College and Hospital-ah HIV/AIDS Awareness cum Comprehensive Health Check-up an buatsaih.

Awareness cum Health Checkup-ah hian zirlai 300 chuang leh zirtirtu eng emaw zat an tel a, ZMCH dean Prof. Swati Patki-in a kaihruai. MSACS joint director Zuiliani Hrahsel-in HIV/AIDS chungchang a sawifiah a, ZMCH Department of Psychiatry senior resident Dr Ricky Zothangliana'n ruihhlo ngawlvei chungchang a sawi. IDSP state nodal officer Dr Zorinsangi'n mahni hriselna ngai pawimawh dan leh natna inkai chhàwn theih laka him dante a sawi bawk.

HIV/AIDS Awareness cum Health Checkup-in a tum ber chu, college zirlaite'n hriselna ngaih pawimawhna lama hma an sawnna tur leh natna inkai chhâwn laka inven pawimawhna atan zau zawka hma an lak theihna tura buatsaih a ni a; Aizawla college leh red ribbon club dinna zirna-in 30-buatsaih tum a ni.