PUC-in ṭanpuina an hlan

Pachhunga Univer-sity College chuan an din champha vawi 68-na (August 15) pualin nimin khan Aizawl leh a chhehvela home/centre pali-ah ṭanpuina an pe a, an seminar hall-ah hun an hmang bawk.

Kum 1958-a din PUC din champha pual hian Phunchawnga Operation Kingdom Ministry, Muanna Venga Thutak Nunpuitu Team, Mizoram State Cancer Institute leh Society for HIV/AIDS and Lifeline Operation in Mizoram hnenah ṭanpuina an hlan a; thawktute leh zirlaite'n an thawh khawm Rs. 3,74,120 an sem a ni.

PUC-ah hian zirtirtu 146 leh zirtirtu ni lo thawktu 108 an awm a; under graduate-ah zirlai 3,151, post graduate-ah zirlai 99 leh PhD ti lai 32 an awm. Zirlai zingah state dang 12 aṭangin mi 44 leh ram dang pariat aṭangin mi 12 an tel a ni.