Siahaah ruihhlo do chungchang sawiho

Excise & Narcotics minister Lalnghinglova Hmar hoin nimin khan Siaha district-a sorkar department hotute leh tlawmngai pawl hruaitute'n ruihhlo chungchang DC Confe-rence Hall-ah sawiho.

Lalnghinglova Hmar chuan, ruihhloin Mizoram a tibuai nasa tih sawiin, "Siaha district pawh a bâng lo. Hmalak chhunzawm zel dan tur ruahman a, ram leh hnam chhan nan uluk leh ngunthluk taka ngaihtuahho a ṭul," a ti a; ruihhlo tihrêm a nih theih nan ngaihdan leh rawtna te sawi turin kalkhawmte a sáwm.

Ruihhlo do rêm turin tlawmngai pawlte leh kohhrante nen thawhho a pawimawh thu sawiin Minister chuan, "Opera-tion Jericho kalpui a nih hnuah ruihhlo tawlhrukin ziaawm lam a pan a, chutihlaiin, Mizoram chhim lam hi ruihhlo tawlhru ṭhinte'n kalkawng atan an hmang ṭan niin a lang a, Siaha district ven him a ngai a, theihtawpa ṭan a ṭul," a ti.