Ruihhlo laka fihlim nia inchhâl khua/vengte hriatpuina hlan a ni

August 15, Inrinnia Lawngtlaia Independence Day lawmnaah minister of state B Lalchhanzova chuan Lawngtlai district chhunga ruihhlo laka fihlim nia inchhál khua leh veng 12 hnenah hriatpuina a hlan.

India rama ruihhlo do beihpui thlakna kal mek Nasha Mukt Bharat Abhiyan hnuaia Lawngtlai district-a beihpui thlakna pêng pakhat, Drug Free Village hriatpuina chu B Lalchhanzova hian khua/veng 12 hruaitute hnenah an khua/veng ruihhlo laka fihlima an inpuan hriatpuina a hlan a ni.

Lawngtlai DC kaihhruaina hnuaiah Lawngtlai district-a khaw 187 chu ruihhloa an fihlim theih nan hmalak niin, beihpui thlak a ni a, April 10, 2026 khan LADC chief executive member C Lalsawmzuala'n a hawng. Ruahman lâwk angin kumina Independence Day lawmnaah ruihhlo laka fihlima inpuangte hnenah hriatpuina hlan a ni.

Ruihhlo laka fihlum nia inchhâlte chu: Sangau-II, Sentetfiang, Tuithumhnar, Hmawngbu, Rúlkual, Kamalanagar-I, Kamalanagar-II, Kamalanagar-III, M Kawnpui, Bungtlang South-I, Hmunnuam leh Cheural te an ni.