Pluck and Pay Festival sawiho

Khawzawlah nimin khan DC video conference hall-ah Pluck & Pay Organising Committee an ṭhukhawm a, additional DC K Zorammuana'n kaihruaiin, Pluck and Pay Festival (Lo la, Lei rawh) neih tura inpuahchahna thlen chin leh hmabakte an sawiho.

Pluck & Pay Festival hi mipui leh khawtlang nena ṭangruala tourism tihhmasawnna (community-based tourism) atana hmalakna a ni. September 23-25, 2026 chhung neih tur a ni a, Tualte-ah hawn a ni ang a, Chawngtlaiah khâr a ni ang.

Ṭhutkhawmah hian sorkar department hrang hrang hotute leh Tualte leh Chawngtlaia village level organising committee aṭangin an mawhphurhna ṭheuha an inpuahchah dan leh an thlen chinte ngaihthlak a ni a; Festival neih huna traffic leh security chungchang te, food stall siam dan tur leh thil dang te sawiho a ni.

Pluck & Pay Festival-ah hian a thlengtu khuaa lo leh huanah te kalin, thlai leh theite chu mahnia loin lei theih a ni dawn a; Mizo infiamna chi hrang hrang leh adventure lam te, concert te buatsaih a ni bawk ang.