AMC-in SDG leh UIF zirhona buatsaih

Aizawl Municipal Corporation leh Planning & Programme Implementation department chuan nimin khan AMC Auditorium-ah khawtlang hruaitute pualin 'Sustainable Development Goals and Collection of Urban Indicators Framework Data' tih zirhona an buatsaih a; Aizawl deputy mayor R Lalawmpuii'n a hmanpui.

R Lalawmpuii chuan, local council member-te chu a taka khawtlang enkawltu an nih avangin an pawimawh thu a sawi a, "Eng thilah pawh khawtlang hruaitute koh tel loh theih loh an ni. Ram leh khawtlang hmasawn nan sustainable development a pawimawh a, hmasawnna hna thawh dawn reng rengin thawh tur thlan thiam a ṭul. Fund awmte hi a hmanna tur chawpchilh taka ngaihtuah loin, uluk taka ruahman lâwk a, khawtlang tana ṭangkai leh daih rei tur thlan a pawimawh," a ti.

Kum 2030 thlir chungin hmasawnna hnathawhte'n SDG a thláwp ṭha em tih tehnaa hmangin ward hrang hrang inelna buatsaih a nih dawn thu R Lalawmpuii chuan a sawi a; inelnaah lawmman la ngei thei tura theihtawp chhuah turin khawtlang hruaitute a chah.

Zirhona hi AMC joint commisioner Lalremruata Kullai-in a kaihruai a; Aizawla LC tin aiawhte leh ward committee member-te an tel a ni.