Hmun hnihah heroin man

Champhai police-te chuan August 17, Thawhṭanni khan hmun pahnihah heroin an man a, a kaihnnawihah mi pahnih an man bawk.

Champhai Police Special Task Force chuan mobile vehicle checking an neihnaah Suzuki Avenis scooter MZ-01 Z-7513, Thangliana (39), Sesih, tuna Champhai Vengsanga khawsa mek khalh aṭangin heroin gram 33 an man.

Champhai daia Khankawn Police Check Gate-ah Champhai police-te chuan maxicab MZ-02 A-9532, Saihmingliana (30), Champhai Vengthlang North khalh aṭangin heroin gram 12 an man bawk.

Ruihhlo manna lirthei khalhtute hi man nghal an ni a, Champhai Police Station-ah thubuai ziah luh a ni. An chhuizuinaah hemi ni vek hian Selingah VL Malsawmtluanga (37) s/o Vanlalliana, Sesih leh Lalrinawmi (41) w/o Lalnunenga, Thingsul Tlangnuam an man leh.