Court-in thutlukna siamṭha leh turin CIC a hriattir
Gauhati High Court (GHC), Aizawl Bench chuan Mizoram Univesal Health Care Scheme (MUHCS) chungchanga Mizoram State Chief Inforamtion Commissioner (CIC) thutlukna khinletna chu pawm sakin, Chief Information Commissioner (CIC) chu thutlukna siamṭha leh turin a hriattir.
Mizoram State Healthcare Society (MSHCS) leh Synod Hospital agreement chu J Malsawmzuala Vanchhawng chuan RTI Act hmangin MSHCS-ah a dil a, MSHCS hian inremna thurûk vawn ngai a awm an tih avangin a pe chhuak duh lo. RTI hmanga diltu hi lungawi loin Mizoram Information Commission (MIC)-ah a zualko a ni.
CIC chuan MSHCS chu April 17, 2026 ral hmaa RTI hmanga diltu duh ang information pe chhuak ngei turin April 9, 2026 khan a hriattir. MSHCS hian CIC chu a thupek ngaihtuah ṭha leh turin April 17 khan an dil a, mahse, ngaihtuah nawn a ni lo.
MSHCS chuan CIC thupek chu dan kalh a nih thu leh thuruk vawnna leh RTI Act, 2005-in a phûtnate palzutnaah ngaiin GHC, Aizawl Bench-ah hian an khinglet a ni.
Court chuan thutlukna ti chhuakin, CIC thutlukna chuan dan hmanga tehna a paltlang zawh loh avangin CIC chu RTI Act Section 11(1) zulzuia thutlukna siamṭha leh turin a hriattir.