MIGAHTA an lawm; sorkarin an vaia lenna tur a siam sak ngei an beisei

Mizoram Govt. Adhoc Aided High School Teachers’ Association (MIGAHTA) chuan thuchhuah siamin, Council of Ministers-in sikul provincialise-na dan ennawn a tum chu an lawm thu an tarlang a, "Rules siam danglam a ni tur hian kan vaia lenna tur bâwm min siamsak ngei kan beisei," an ti

MIGAHTA chuan, Council of Ministers ṭhukhawmin sikul tam zawk provincialise an nih theihna tura rules ennawn tura thutlukna a siam chu an lawm thu tarlangin, "Thinlung takin lawmthu kan sawi a ni. Hun rei tak chhung Adhoc High School-te khawtlang enkawlna hnuaia awm tawh chu kan Chief Minister zahawm tak hoa ruahmanna siam angin sikul tam zawk provincialise theihna tura rules siam danglam a ni tur hian kan vaia lenna tur bawm min siam sak ngei kan beisei," an ti a, nghakhlel taka an lo thlir dawn thu an sawi.