Oil depot-ah Central leh NEC dawr rêl

Nimin khan chief minister Lalduhoma hoin CMO conference room-ah Mizorama tuialhthei chhêk khawlna (oil depot) din theih dan tur sawiho a ni a, sorkar laipiu leh North Eastern Council (NEC) dawr an rêl.

Ṭhutkhawmah hian Food, Civil Supply & Consumer Affairs (FCSCA) minister B Lalchhanzova, chief secretary Khilli Ram Meena, Finance commissioner Vanlaldina Fanai, Law & Judicial secretary TL Guite, All Mizoram Petroleum Dealers’ Association (AMPEDA) president K Lalnghakliana leh senior vice president Lalbiakzama (Assembly speaker) bakah, sorkar official-te an tel.

Meeting-a tarlan danin, Mizoramin oil depot a neih ngei theih nan a theih ang anga hmalak zel a ni a; Indian Oil Corporation Ltd chu an mamawh ang ramte kawhhmuh a, thil ṭul dangte pawh a theih anga ngaihtuahsak zel an ni.

Hmalaknate chak zawka a kal theih nan sorkar laipui leh NEC dawr ni se, an ti a; ṭhenawm state-te'n oil depot an neih tawh dan leh an kalphungte zir turin sorkar official-te tirh an rel bawk.