Mizo Handloom Conclave-ah cheng nuai 130 hû hralh a ni

National Handloom Day vawi 12-na puala Commerce & Industries, Geology & Mining department-in August 7, 2026 aṭanga Millennium Centre chungzawla Mizo Handloom Conclave an buatsaih chu nimin khan khâr a ni. Conclave-ah hian stall 60 awmin, ni 14 chhungin cheng nuai 130 hû hralh a ni.

Sorkar thuchhuah tarlan danin, Conclave-ah hian stall 60 siam niin, Mizoram hmun hrang hranga puantahtute'n an thil tah/siam chhuahte lei theihin an pho chhuak a, kum danga la tih ngai loh hnam bil pual stall pathum (Mara, Lai leh Chakma) siam a ni.

National Handloom Day-ah hian ni 14 chhungin tlawhtu mi 75,000 vel an awm a, stall hrang hrangte'n an thil zawrhte chu cheng nuai 130 vel man an hralha chhût a ni.