VC leh LC by-election neih a ni

Nimin khan Aizawla local council leh Aizawl pawn lama village council eng emaw zatah by-election neih a ni a, tluang takin vote thlak a ni. Vote thlak zawhah vote chhiar nghal a ni.

By-election hi Aizawl Municipal Corporation huam chhungah chuan Selesih, Durtlang, Zotlang, Luangmual, Dawrpui Vengthar, Bungkawn, Republic Veng leh Salem Vengah te LC seat pakhat ṭheuh atan neih a ni a; Lunglei Municipal Council-ah chuan Zotlang VC-ah seat pakhat atan neih a ni.

VC by-election neihnate chu - Lunglei district-a Bunghmun, Serchhip district-a East Lungdar leh Kolasib district-a Bilkhawthlir South-ah te a ni a; VC seat pakhat ṭheuh hnawhkhat tur thlan a ni.