YMA-in Prof. Lalnilawma chawimawi

Thingsulthliah Camp Area Branch YMA chuan August 20, Ningani khan an hall-ah zirlai ti ṭha leh mi chhuanawmte chawimawina hun an hmang a; bialtu MLA Prof. Lalnilawma, minister of state chu an khaw tana hna thawk ṭha an tih avangin chawimawina an hlan.

Thingsulthliah Camp Area YMA hian an khaw mi HSLC zo thar mi 13, HSSLC zo thar mi pakua, degree course zo thar mi paruk, master degree zo thar mi pahnih leh Governor's Gold Medal dawngtu H Laldingliani, Excise & Narcotics depart-ment hnenah chawi-mawina an hlan bawk.

Prof. Lalnilawma chuan, 2023 MLA inthlan laiin a bial chhung tan theihtawp an chhuah tur thu leh, an ruahmannate an aupui thu a sawi a; a biala khaw tin leh Mizoram hmasawnna atan a thawh thu sawiin, "Theihtawp kan chhuah a, kan hnathawh leh theihtawp kan chhuahnate Camp Area Branch YMA-te’n min hmuhpui a, min hriatpui hi ka lawm tak zet. Mizoram tan leh bial tan theihtawp kan chhuah zel dawn a ni," a ti.