Bawrhsapin LFCS Brass Band-te chawimawi

Serchhip bawrhsap Paul L Khuma chuan nimin khan Independence Day lawmna Serchhipa neih zawh taka rimawi tuma, lam remtu Little Flower Convent School (LFCS) Brass Band-te chawimawina inkhawm DC Pisapui Hall-ah a buatsaih.

Serchhip Bawrhsap chuan LFCS Brass Band-te chu I-Day ti hlawhtlingtu pawimawh tak leh district timawitu an nih thu sawiin, "Assam Rifle-te remchan loh lai pawha ṭha taka rimawite tuma an lam thei hi a lawmawm," a ti a, sikul dangte tan pawh entawntlak an nih thu a sawi

Paul L Khuma chuan zirlaite leh zirtirtute chu chu an zirlai mai piah lamah kawng tinrenga hmasawn thei tura inzir zel tur leh, a tha zawnga danglamna thlentu ni tura ngaihtuahna thar (innova-tive thinkingO neih tum zel turin a fuih.

LFCS Headmistress pawhin lawmthu sawiin, he chawimawina hian inrin-tawkna leh thawhho duhna rilru (team spirit) nasa taka a pek thu a sawi bawk.