Reiekah Financial Literacy buatsaih

Reserve Bank of India (RBI) chuan nimin khan Reiek community hall-ah Financial Literacy hun an buatsaih a, RBI, Aizawl general manager T Lhungdim-a'n a hmanpui.

Financial Literacy hi khawtlang zirlai te, upate leh self help groups member-te sum leh pai lam hriatna tihhmasawnna tura buatsaih a ni a; lead bank - State Bank of India, Mizoram Rural Bank, NABARD, SBI RSETI, MzSRLM leh Crisil Foundation aiawhte leh MHIP member-te an tel.

Digital banking, cyber fraud (inbumna), e-KYC, bank lama thubuai chinfel dan, SHG hmanga sum enkawl dan, education loan, Kisan Cradit Card, MUDRA loan, social security scheme leh thil pawimawh dangte an inhrilhfiah a ni.