Kolasib dist-ah SIR buaipui mek

Electoral Roll Special Intensive Revision (SIR) 2026 kal mekah Kolasib district-ah electoral roll-a thun dilna (Form 6) thehlut mi 1,558 a awm a, chu'ng zinga mi 787 chu pawm niin, mi 94 hnâwl an ni a, endik hmabak mi 677 an la awm.

Kolasib leh Mamit district tana electoral roll observer Dr Lalrozama chuan nimin khan Kolasib a tlawh a; DC conference hall-ah election official te, political party, tlawmngai pawl leh kohhran aiawhte kâwmin, SIR 2026-a hmalak dan a sawipui.

Ṭhutkhawma tarlan danin, electoral roll-a chuang, thi tawh paih dilna (Form 7) 25 a lut a, dilna 12 pawm a nih tawh laiin, endik hmabak 13 a awm. Insawn dilna (Form 8) 936 a lut a, chu'ng zinga 528 chu pawm a nih laiin, 34 hnâwl a ni a, endik hmabakah 374 an awm bawk.