National Teacher Award dawng turin Lalnunmawii thlang

Lalnunmawii, Lunglei Electric Veng High School headmistress chu zirtirtu ṭha chawimawina National Teacher Award dawng tura thlan a ni.

Ministry of Education chuan ram chhung state leh union territory hrang hranga zirtirtu ṭha chawimawina National Teacher Award 2026 dawng tura thlan mi 48 hming a tichhuak a, Mizoram aṭangin Lalnunmawii a tel a ni.

National Teacher Award hi kumina Zirtirtute Ni (Teachers' Day) September 5 khian New Delhi-a Vigyan Bhawan-ah president Droupadi Murmu-i'n a hlan ang. National Teacher Award hian medal, thuchei leh Rs 50,000 a keng a ni.