DMR Minister-in leiminna hmun a tlawh

Disaster Management & Rehabilitation (DMR) minister Prof. Lalnilawma, PHE enkawltu ni bawk chuan August 21, 2026 khan Tlangnuam PHE tanky thlanga leimin a tlawh a; thuneitute nen chhiatna liantham a thlen loh nana hmalak dan tur an sawiho.

Tlangnuama PHE tanky lian awmna hmun hi August 20, 2026 zan lama ruah sur nasa avangin a tûk August 21, 2026 chawhma dar 9:30 vel khan a min a, kawng metre 50 vel a hnawh pin bakah, a chhak kawng pheia PHE tanky bulah lei khi a siam a ni. Leimin hi chhun lamah a theih ang anga rthenfai hna thawh niin, local council-in hnatlang an ko a; leimin avang hian chhungkaw pakhat chu hmun himah an inthiarchhuak bawk.

Prof. Lalnilawma hi bialtu MLA Lalchhuanthanga, bialtu AMC corporator Dr Lalmalsawma Nghaka, PHE E-in-C Zodinthari, EE Lalzuimawii, ADDMA zonal officer K Lalkroschhuanga, assistant commissioner Hmingmawizuala, Geology & Mining senior geologist Benjamin Roluahpuia, bakah, local council hruaitute leh khawtlang hruaituten an ṭawiawm.