Assembly session ṭan dawn

9th Mizoram Legislative Assembly ṭhutkhawm (Assembly session) vawi sarihna chuan ni hnih chhung a awh tur chu vawiin chawhma dar 10:30 hian Assembly House-ah ṭan a ni dawn.

Vawiina Assembly session-ah hian July 4, 2026-a thi minister hlui F Malsawma sunna hun hman a ni ang a, chumi zawhah zawhna leh chhanna hun bakah sorkar aṭanga dan siam tur rawtna lutte sawiho a ni ang.

He thuziahlai thleng hian dan thar siam tur rawtna (bill) pasarih leh dan dinglai siamṭhat tura rawtna (amendment bill) pahnih a lut tawh.

House chhunga chhan chi zawhna (starred question) 295 lut tawhin, ziaka chhan chi (unstarred question) 73 a lut tawh bawk.

Naktuk hi sorkar pisa chawlh a nih avangin Assembly session chawlh a ni dawn a, a tuk lehah chhunzawmin, pawhsei a nih loh chuan tiam chin awm loa tihtawp a ni ang.