Global Cancer Summit-ah Health Minister tel; Mizoramin cancer research centre a mamawhna a san thu a sawi

Health minister Lalrinpuii chuan August 23, Pathianni khan Swatantra Bhawan Auditorium, Banaras Hindu University, Varanasi, Uttar Pradesh- ah 7th Global Cancer Summit a hmanpui a; Mizoramin cancer research centre a mamawhna a san thu a sawi.

Lalrinpuii chuan, Mizoram chu India rama cancer sanna ber a nih avanga harsatnate tarlangin, "Zûk leh hmuam ti kan tam avangin cancer chi hrang hrang a tam a, cancer research centre kan mamawhna a sang hle," a ti a; Mizoram hmasawnna tura cancer research centre changtlung zawk neih theih dan kawng awm se a duh thu a sawi.

Central sorkar hnuaia ICMR leh Depart-ment of Science & Technology-te nen ṭang tlânga Mizorama cancer hluar chhan zirbingna tur - Cancer Research Centre neih theih dan tur kawng dappui tura an inhawn thu Health Minister chuan a sawi bawk.