Synod-in sumdawnna atan Kristian Hla Bu hman rem ti lo

Synod Literature & Publication Board (SLPB)-in Kristian Hlabu kâwm siam danglam leh a rawng chungchangah ngenna leh hriattirna an ti chhuak a; Kristian Hla Bu chu sumdawnna atan hman remtih a nih loh thu an tarlang.

SLPB chuan Kristian Hla Bu 19th Edition an tihchhuah, August 14, 2026-a kohhranhoten Pathian fak leh chawimawina atâna an hman tûra hlan chu mi ṭhenkhatin a kâwm tidanglamin sumdâwn nân an lo hmang tih hriat a nih thu tarlangin, "Kristian Hla Bu hi Pathian biak nâna hman tûra kan lehkhabu serh hran a ni a, SLPB-in a phalsak a nih loh chuan mimalin a kâwm lo tihdanglama, sumdâwnna atâna lo hman hi a rem lo. Lo ti tawh leh lo ti mêkte pawh tih chhunzawm lo tûrin kan ngên a ni," a ti.

Kristian Hla Bu hi a kâwm dum bâkah rawng chi dangte leh zipper awmte pawh siam mêk a ni tih tarlangin SLPB chuan, kohhran mipui, a kâwm rawng chi dang deuh leh zipper awm duhte pawh chu lo nghâk hrâm hrâm tûrin an ngên.