GAC golden jubilee lawmna khar

Govt. Aizawl College chuan nimin khan Mualpuia an hmunah 'College Foundation Day cum Golden Jubilee Closing Programme' an hmang a; GAC principal hlui Lalrinawm'an jubilee souvenir a tlangzarh.

Govt. Aizawl College hi kum 1975 khan din a ni a, Sikulpuikawn leh Mualpuiah campus nei mekin, BA-ah department pariat bakah B.Com leh MA (Education) zirnate an nei a; zirtirtu 65, thawktu dang 17 leh zirlai 2,275 an awm mek a ni.

College Foundation Day cum Golden Jubilee Closing Programme-ah hian principal Lalbiakzuala'n college zirtirtute kutchhuak lehkhabu pariat a tlangzarh a; chu'ngte chu - Hmuifang (Adopted Village of Govt. Aizawl College), Contemporary Issues in North East India, Tradition, Identity and Socio-Cultural Change in North-East India, Rothûl – 2, Marketing of Horticultural Crops in Mizoram, State Formation in Mizo Society, Mizorama Gorkha-te Chanchin leh Social Activities and Its Impact on Mizo Students te a ni.