Minister-in college zirlaite'n zirna an chhunzawm loh chhan nia langte tarlang

August 25, Thawhlehni khan Assembly session-ah Higher & Technical Education (HTE) minister Dr Vanlalthlana chuan college zirlaite'n zirna an chhunzawm loh chhan lian zual nia langte House a hrilh.

ZPM member H Ginzalala zawhna chhangin HTE Minister chuan, college zirlaite'n zirna an chhunzawm loh chhan zirchianna a la awm loh thu tarlangin, a chhan lian zual nia langte a tarlang a, "Zirchianna a la awm loh avangin, a chhan lian ber sawi tur a la awm lo," a ti.

Dr Vanlalthlana chuan MNF member Lalrinsanga Ralte zawhna chhangin, Mizoram sorkarin State University, Lungleia a dah chu a la function loh thu a tarlang a, group ‘D’ staff lak fel a nih tawh thu leh a dang ho la tura hmalak mek a nih thu House a hrilh.