Kawng siamnaah technology thar

ZPM member H Ginza-lala zawhna chhangin PWD minister Vanlalhlana chuan, Mizoram kawng siam tharte a lo tlo zawka, an ṭhat zawk theih nan tunhnaiah technology thar hman a ni tih August 25, Thawhlehnia Assembly session-ah House a hrilh.

PWD Minister chuan an technology hman chu Full-Depth Reclamation-te, Cement Treated Base (CTB) leh Cement Treated Sub-Base (CTSB) a ni tih tarlangin, "Heng technology-te hi hun kal zel turah a ṭul dan a zirin hman zel tumna a awm," a ti.