Restricted tender hmangin thawk

Chief minister Lalduhoma, Planning & Programme Implementation department enkawltu chuan Planning & Programme Implementation department hnuaiah restricted tender hmangin hna pakhat thawh a nih tawh thu House a hrilh.

August 25, Thawhlehnia Assembly session-ah Chief Minister hian MNF member Ramthanmawia'n tun sorkar hnuaia Planning department‐a restricted tender hmanga hnathawh a awm leh awm loh a zawhna ziaka chhangin, "Tun sorkarah hian Planning department hnuaiah restricted tender hmanga hnathawh pakhat a awm a, he hna hi Development of Integrated Programme Evaluation and Monitoring System with Server Hosting and AMC atan a ni," a ti.

Chief Minister chuan, "IT service provider atan Departmental Purchase Advisory Board meeting dated 07.03.2024 chuan Integrity Tech Solution a thlang a, Mizoram Plan Analytics Software (MPLAN) siamna a ni a, tendered amount hi cheng nuai 85 a ni," a ti a; Integrity Tech Solution hian cheng nuai 69.99-in hna hi an thawk tih a tarlang.