Mizoram Sorkarin inkaihhruaina thar a tichhuak

State Disaster Managment Authority (SDMA) hnuaia State Executive Committee chairman Lalnunmawia Chuaungo, chief secretary ni bawk chuan January 16, Inrinni khan Mizoram puma inkaihhruaina dan thar a tichhuak. Inkaihhruaina thar hi tihchhuah a nih aṭanga hman nghal tura tih a ni.

Order thara a lan danin, February 1, 2021 aṭangin Pathian­ni leh Inrinni (Sabbath) chhûnah biak-inah inkhawm phal a ni dawn a, inkhawmnaah hian biak-in ṭhutnaa leng zat (seating capacity) zatve (50%) aia tam lo emaw, mi 200 aia tam lo emaw (a tlem zawk zawk) tel theih a ni.

Mizoram sorkarin January 16, 2021-a mipui vantlang tana kaihhruaina a tihchhuahte chu a hnuaia mite hi a ni. Mizoram pum inkaihhruaina tharah hian tam tak chu hun eng emaw chen kalphunga neih tawh a nih avangin, inkaihhruaina zawng zawng tihlan a ni lo.

1.    India ram hmun dang aṭanga Mizorama lutte chu entry point-ah uluk taka enfiah zel tur a ni a, quarantine-na tur hmun ruatah inkhungtir tur a ni.

2.    Europe aṭanga hawte chu Health department-in quarantine-na tur a ruahmanah chauh inkhung tur a ni a, home quarantine phal a ni lo.

3.    Mizoram aṭanga zin chhuak, darkar 96 chhunga rawn lêt lehte chu entry point-ah uluk taka enfiah an ni ang a, RAT-in swab test a ni ang. RAT-a negative leh symptom nei lote chu quarantine an ngai lo.

4.    Covid-19 positive ni lo emaw, containment zone aṭanga kal ni lo, Mizoram chhung district dang leh khaw dang aṭanga kalte chu inkhungtir loh tur.

5.    Mizoram luh hmain mCOVID-19 mobile application mPASS-flight emaw mPASS-road hmangin an inhriattir lâwk tur a ni.

1.    Department/office hotute'n office vawn fai leh tihthianghlim kawngah hma an la zel ang.

2.    Office gate/kawtkaiah kut silna tur emaw hand sanitizer emaw dah tur a ni.

3.    Office dàwr tur reng rengin appointment lâk hmasak tur.

4.    Thawktu, dam lohna nei sa emaw, hrisel lohna bik nei leh nau pâite chu chawlh (commuted leave) pek theih a ni.

5.    Minister-te public interview khâr zui zel a ni.

1.    District khawpuiah zan dar 8:30 leh zing dar 4:30 inkarah páwna chhuah phal a ni lo.

2.    Mi dang nena awmhonaah leh páwna chhuak tur reng rengin hmai tuam tur.

3.    Vantlang hmun leh dawra kalte ft. 6 tala inhlata awm tur a ni.

4.    Mizoram páwn aṭanga lut, quarantine paltlang lo mikhual thlen phal a ni lo.

1.    Mihring phur sumdawnna lirtheite'n ṭhutna awm zat (seat capacity) aia tam phurh phal a ni lo.

2.    Lirthei khalhtu leh an phurhte'n hmai tuam vek tur.

1.    Pawl 10 leh 12 board exam turte tan January 22, 2021 aṭangin sikul leh hostel hawn phal a ni.

2.    Hostel-a lut turte chuan hostel luh hma darkar 96 aia rei loa lâk RAT negative certificate an nei vek tur a ni.

3.    Under graduate & post graduate zirlaite tan February 2021 aṭangin a tahtawlin class ṭan theih a ni a, MZU academic calendar leh Higher & Technical Education department ruahmanna angin, state Executive Committee, SDMA hriatpuinain hawn theih a ni ang.

4.    Training/coaching institution-te chu an hmunhmaa leng zat zatve (50%) angin emaw, mi 50 aia tam loin emaw hawn theih a ni.

5.    Zirna dang zawng chu online hmangin kalpui chhunzawm tur.

1.    February 1, 2021 aṭangin chhun lamah biak-ina inkhawm phal a ni a, biak-ina leng zat zatve (50%) aia tam lo emaw, mi 200 aia tam lo emaw (a tlem zawk zawk) punkhawm phal a ni.

2.    Biak-ina zing ṭawngṭai inkhawm chu mi 50 aia tam loa neih phal a ni.

3.    Sport tournament chu indoor-ah a leng zat 50% aia tam lo emaw, mi 50 aia tam lo leh outdoor-ah mi 100 thleng phal a ni.

4.    Cinema hall, auditorium, community hall leh intàwllênna hmun dang (indoor)-ah a leng zat 50% aia tam lo emaw, mi 50 chin emaw leh, outdoor-ah mi 100 thleng tel theih a ni ang.

5.    Páwl thila punkhawmnaah a hmun (indoor)-a leng zat 50% aia tam lo emaw, mi 50 chin emaw leh, pawn lamah mi 100 aia tam lo tel phal a ni. Loh theih loh leh ṭul bik thilah DC-te'n mi 150 thleng tel phalna an pe thei.

6.    Mitthi vuina leh inneihna (man hlan, inneih inkhawm leh reception)-ah a hmuna leng zat 50% aia tam loin a punkhawm theih a; mi 100 aiin an tam tur a ni lo. Pungkhawm tur zatah hian ei/in siamtu, usher leh programme hlawhtlin theih nana ṭawiawmtu/chhawrte zawng zawng a huam.

7.    Chhiatni/ṭhatni puipunnaah zai/zaikhawm loh tur.

8.    Mitthi vuinaah thingpui sem loh tur a ni.

1.    State páwn aṭanga lirthei driver leh handyman bungrua rawn thiar lut ṭhinte chu an bungraw dah hnua backload an châng duh a nih chuan checkgate-ah Covid-19 negative certificate darkar 96 aia hlui lo nen an inhriattir tur a ni.

2.    Thil phurh an hlàn thlak zawh veleh an kîr leh nghal dawn a nih chuan Covid-19 negative certiflcate neih leh checkgate-a test paltlang kher a ngai lo.

1.    Bazar, dawr, petrol pump/filling station leh sumdawnna hmunte tlai dar 5:30 hmain khâr vek tur; hei hian damdawi dawr a huam lo.

2.    Dawr/sumdawnna hmunah inkár hlata awm tur a ni a, hmai tuam tur a ni.

3.    Dawr neitute'n hand sanitiser leh hming ziahna chhawp ngei tur.

4.    A theih chin chinah pawisa fai inhlan kher loa indawr dan (cashless transaction) hman tur a ni.

1.    Chief Secretary leh DC-te ni lo chuan containment area/zone leh lockdown an puang thei lo, hei hian veng/khaw bil lockdown puan pawh a huam.

2.    Containment area/zone páwna lockdown puan a ngai a nih chuan sorkar laipui ráwnin state sorkarin a puang ang.

3.    Containment area/zone-a puan vang ni si loa district bil emaw, khua/veng bila inkharkhip phal a ni lo.