NK Chakma-a'n ngaihdam a dil

West Tuipui bialtu MLA ni ṭhin Nihar Kanti Chakma chuan Tlabung khua chungchanga a thusawi (flyer siam) avangin Tlabung Branch YMA, MZP Headquarters Lunglei leh Mizoram mipui chungah ngaihdam a dil.

NK Chakma chuan, artificial intelligence hmanga flyer a siamah a tum loh deuhin Tlabung YMA, Lunglei MZP leh khawtlang mipui pawi a sawi palh thu a tarlang a, "Hnam anga inhnialna chawk chhuak thei thil leh mi dang rilru tina thei ka sawi palh hi pawi ka ti tak zet... Thinlung takin hriatthiamna leh ngaihdamna ka dil tak zet a ni," a ti.

AI hman a zir ve ṭan tih sawiin NK Chakma chuan, "Kan ṭawng (Chakma)-a ka ziah, AI hmanga English-a ka lehtir chu ngun tak leh fimkhur taka enfiah leh nachang ka hre lo a ni," a ti a; a fimkhur tâwk loh thu leh pawi a tih thu a sawi.