Saitualah sangha no sem a ni

Fisheries department chuan nimin khan Saitual district-a sangha khawitute hnenah sangha no ṭha an sem. Sangha no hi Kalyani FS, Regional Research Center - Rahara, ICAR - Central Institute of Freshwater Aquaculture, Bhubaneswar aṭanga ruahman a ni a, kumina Saitual district-a an sem vawi hnihna a ni.

Saituala Fisheries development officer F Vanlalfela chuan, Ṭamdil hnâr lamah fish seed farm siam a nih thu sawiin, chu fish seed farm chu Mizoram hmun hrang hranga sangha khawitute tan practical demonstration neihna hmun pawimawh tak a nih thu a sawi.

F Vanlalfela chuan, Ṭamdilah kum tin sangha no chhuah ṭhin a nih thu leh, sangha khawi chungchanga hriat belh duh leh zir duh neite tan department hotute hriattirin, Ṭamdilah inzirtirna theih a nih reng thu a sawi bawk.