Lawngtlai dist-a CD ratio 103.71%

Lawngtlai bawrhsap Donny Lalruatsanga hoin nimin khan District Consultative Committee, District Level Review Committee leh District Level Security Committee an ṭhu a; April-June, 2026 chhunga Lawngtlai district-a bank-te hnathawh dan thlirho niin, credit deposit ratio 103.71% an neih thu tarlan a ni.

Ṭhutkhawma tarlan danin, Lawngtlai district-ah bank branch 12, ATM booth pariat, business correspondent 84, financial literacy centre pakhat leh Indian Postal Payment Bank pakhat a awm mek. April-June 2026 chhung khan Lawngtlai district-a bank-te CD ratio chawhrual chu 103.71% a ni a; January-March 2026 chhunga an CD ratio 108. 89% chu 5.18%-in an pha lo.