Ramri hung chungchang sawiho

Saitual District Border Coordination Committee (SDBCC) chu district bawrhsap Srinivas Sadi hoin nimin khan DC con-ference room-ah an ṭhu a; Hrianghmuna ramri kawng (border road) leh ramri hung tura ram lâkna atana chhinchhiahna (line marking) leh zirchianna (survey) neih mekte an thlirho.

Tarlan danin, Land Revenue & Settlement department-in ram a lak chungchanga preliminary notification tihchhuah hmasak berah, square metre 2,500 tih chu ennawn a ni a, sq.m 5,000-ah zauh a ni. Ram lak tur leh thlaite enfiaha chhiar zawh vek tawh a ni a, ram hlutna chhût a nih tawh bakah, LRS department-ah thawn tura ruahman tawh a ni tawh.

Ṭhutkhawmah hian, BSNL tower leh a kaihhnawih hmanraw dangte chu ram a zauh tâwk tawh avangin dah a nih theih nan hma la zui turin Assam Rifles ngen an rel. Ramri hung (km 10) hna atana ram teh leh chhinchhiah hna thawktu BRO chu a chak thei anga thawk tur leh, an dinhmun azira September 15, 2026 aia tlai loah zo tura tih an ni.