Excise & Narcotics dept-in 2026-ah Heroin gram 110.320 an man tawh

Excise & Narcotics department (END) chuan nimin khan Champhaiah heroin gram 110.320 an man a; kumin 2026 chhungin heroin kg 17.280 leh methamphetamine kg 68.138 an man tawh.

END hian nimin chawhnu dar 1:30 khan Champhai Bethel Veng (Forest Veng)-ah Luan-ciannuam (34), Champhai Bethel Veng (Forest Veng) nia inchhál hnen aṭangin heroin gram 110 leh miligram 320 (hawng 9) an man a; Narcotic Drugs & Psychotropic Substances Act, 1985 tlawhchhanin thubuai an ziak lut.

END hian kumin 2026 chhungin heroin kg 17.280, methamphetamine kg 68.138, crystal meth kg 11.531 leh ruihhlo dang eng emaw zat an man tawh a; rakzu litre 48,036.724 leh sapzu litre 17,118.975 an man tawh bawk.