Ruihhlo donaa thawk ṭhate chawimawi

Mizoram Police mi leh sa, Eastern Range chhunga ruihhlo donaa thawk ṭhate hnenah nimin khan Champhai Vengsang YMA Hall-ah chawimawina hlan a ni a; DIG (Eastern Range) C Lalnunmawia, Champhai bawrhsap Mohammad Aaquib leh SP Gavit Gogna ten an hmanpui.

Mizoram Police Eastern Range huam chhungah police-te'n kum 2026 chhungin ruihhlo chi hrang hrang Rs 3,62,51,08,650 (vbc 362.51) vel hû an man tawh a; chungte chu - heroin, methamphetamine, crystal meth, alprazolam, ganja, morphine leh opium fluid te a ni.

DIG (ER) chuan, ruihhlo donaa Mizoram Police Eastern Range-a mite hnathawh chu ropui a tih thu a sawi a; inkhawma tel zirlaite fuihin, drug free generation siam tum tur te, kuttling loa sum lâk luh hmanga lan ropuina awt lo tur te, rinawm taka mahni thawh chhuah ngaihlu turtein a fuih.

Champhai Bawrhsap chuan, Champhaiah ruihhlo tam tak man a nih tawh ṭhin thu leh, hmabak tam tak a la awm thu a sawi a; thâ thlah loa theihtawp chhuah zel turin thawktute a sáwm. Champhai SP pawhin chawimawina dawngtute thawhrimna mipuiin an hriatpui thu sawiin, police-te chu an theihna apianga lo thawhpui zel turin mipui a ngen bawk.

CHAWIMAWINA HLANTE

1. SI C Lalsangliana (Champhai DEF)

2. SI C Biakthianghlima (Khawzawl DEF)

3. ASI Jonathan Lalbiakkima (Champhai DEF)

4. ASI H Lalpekhlua (Saitual DEF)

5. ASI Lalneihsanga (Khawzawl DEF)

6. Romel Hruaisangliana (Champhai DEF)

7. Zorama (2nd IR/Champhai DEF)

8. Samuel Ngurthanzuala (Saitual DEF)

9. T Lalhruaitluanga (Saitual DEF)

10. Lalremsanga (Saitual DEF)

EASTERN RANGE-A RUIHHLO MAN - 2026

Heroin - kg 29.45306 - Rs 58,90,61,200

Meth - kg 306.304 - Rs 2,45,04,32,000

Crystal Meth - kg 10.259 - Rs 30,77,70,000

Alprazolam - gram 30 - Rs 2,40,000

Ganja - kg 10.159 - Rs 5,07,950

Morphine - kg 22.286 - Rs 22,28,60,000

Opium Fluid - kg 108.475 - Rs 5,42,37,500