ICFAI-in Freshers' Day hmang

ICFAI University, Mizoram chuan nimin khan Dawrpui Multipurpose Hall-ah Freshers' Day an hmang a, minister of state B Lalchhanzova'n a hmanpui.

B Lalchhanzova chuan, duhthlanna siam thiam a pawimawh thu sawiin, zirlaite chu an kal zelna tur leh eizawnna kawng an zawhna turah duhthlanna dik an siam theih nan ngun taka ngaihtuah turin a chah a; thu a sawi zawhah zirlaite tan zawhna leh chhanna hun a hawng bawk.

Freshers' Day-ah hian ICFAI University, Mizorama zirlai lut thar mi 480-te lawmna hun hman a ni a; vice chancellor Prof. Ginlianlal Buhril pawhin thu a sawi a ni.