Ni 27 chhungin Champhai dist-ah ruihhlo cheng vbc 30.96 hû man

Champhai District Level Narco Coordination (NCORD) Committee chu August 28, 2026 khan district bawrhsap Mohammad Aaquib kaihhruaiin an ṭhukhawm. Police, Excise & narcotics leh Assam Rifles ten ni 27 chhungin Champhai district-ah ruihhlo cheng vbc 30.96 hû an man tih tarlan a ni.

Ṭhutkhawma tarlan danin, Champhai police-te'n August 1-27, 2026 chhungin cheng vbc 1.72 hû heroin gram 863 leh cheng vbc 27.88 hû methamphetamine kg 34.852 an man a; lirthei pariat an man tel.

Excise & Narcotics department-te'n August 1-26 chhungin Champhai district-ah heroin gram 295.96 manin, a kaihhnawih lirthei pathum an man a; mi 13 man tawhin, NDPS Act, 1985 tlawhchhanin thubuai pariat an ziak lut. August 1-27 chhungin Assam Rifles-te'n heroin gram 181.93 an man bawk.