AR thingpui dawr/library hawng

Lunglei SP Stephan Lalrinawma chuan January 16, Inrinni khan Lunglawna 3rd Assam Rifles thingpui dâwr, library ni bawk a hawng a; thu sawiin, Mizo ṭhalaite sipaia a tam thei ang ber an luh theih nan taimâk an chhuah lehzual a ṭul thu a sawi.

Stephen Lalrinawma chuan, kumin March thlaa Lungleia sipai lâk turah Mizo ṭhalai a tam thei ang ber lut tura a duhsak thu a sawi a, "Hnam dang hian Mizoramah ngei pawh hetiang hna hi an hlut hle a, a ram neitu Mizote hian a bawha kan bawh a ṭul tak zet a ni," a ti.

Assam Rifles-in Lunglawna thingpui dawr leh library an siam hi tualchhung ṭhalaite inhlawhfâkna atana ruahman a nih thu commandant Col. Bejoy Raveendran chuan a sawi a; ei tur tuihnai leh hrisel zawk hmanga Lunglei ṭhalaite inhnangfâkna tur a nih bakah, library aṭangin lehkhabu ṭha tak tak hawh chhuah theih a nih tur thu a sawi bawk.