National Sports Day hman a ni

31st August, 2026

August 29, Inrinni khan Mizoram hmun ṭhenkhatah National Sports Day hman a ni a, infiamna hrang hrang hmangin intihsiak leh intihhlimna buatsaih a ni.

Saitualah chuan DC Office leh Saitual District Badminton Association buatsaihin National Sports Day hman a ni a, badminton tournament buatsaih a ni.

Hnahthial District Volleyball Court-ah pawh DC Office leh Hnahthial Higher Secondary School buatsaihin National Sports Day hman a ni a, Sports & Youth officer leh SDC Lawrence Lalhlanthara'n hmanpuiin, zirlaite tan table tennis, volleyball leh insuknawrah te inelna buatsaih a nih bakah, hmeichhia tan bik inkawibah buatsaih a ni bawk.

Assam Rifles pawhin Mizoram chhim lama khaw pathum - Zorinpui, Laki leh Lungpuk khuaahte National Sports Day an hmang a, tualchhung mite tan intihhlimna leh inelna an buatsaih a ni.

National Sports Day hi Indian hockey player ropui Maj. Dhyan Chand pian champha, August 29-ah kum 2012 aṭang khan hman ṭhin a ni.