Mizoram hi Winter Capital of India ni tura siam kan tum – Chief Minister

Chief minister Lalduhoma hoin nimin khan Planning conference hall-ah Winter Festival 2026 Organising Committee an ṭhu. CM chuan, Mizoram chu Winter Capital of India ni tura siam an tum thu a sawi.

Lalduhoma chuan, Mizoram chu Winter Capital of India ni tura siam an tumnaa an hmalakna langsar ber chu Winter Festival a nih thu a sawi a, "Entrepreneurship lama Mizoram tihlarna hmanrua tur a ni. Tourism department bultuma kalpui ni mah se, department zawng zawng nena thawhho ngai a nih avangin department hrang hrangte kan inko khawm a, kan department hmalakna zâwna kan tih theihte in ngaihven ṭheuh kan duh," a ti.

Ṭhutkhawmah hian Winter Festival hman dan tur leh nikuma hman tawh dan thlirho a ni a; Tourism minister Lalnghinglova Hmar leh Mizoram Tourism Development Authority (MTDA) chief executive officer R Lalrodingi, OSD to CM bakah, department hrang hrang hotute an tel a ni.