MPCC-in Rahul-a laka FIR lut an dem

Mizoram Pradesh Congress Committee chuan thuchhuah siamin, Parliament-a opposition leader Rahul Gandhi lakah dik lo takin BJP-te'n FIR an thehlut nia sawiin, an dem thu an tarlang.

MPCC tarlan danin, tun hnaiah Congress president Mallikarjun Kharge-a'n Haldwani-a vantlang inkhawm a neihnaah, BJP-RSS thawktute'n 'thianghlimna ritual' tia sawi thenfaina an kalpui leh chi inthliarna (casteist) nasa taka an tih duh loin Rahul Gandhi-a'n press conference a nei a, BJP-RSS mi leh sate laka FIR ziah luh leh hrem a phût a ni.

Dan leh Constitution bawhchhe zawnga chete hrem loin, BJP thuneihna hnuaia awm Uttarakhand police-te'n Rahul Gandhi lakah Haldwani City Kotwali Police Station-ah FIR an ziak lut zawk tih sawiin MPCC chuan, "Hindutva dinchantir tumtu BJP-in chi leh chi inthliarna huangtau taka an kalpui leh, an chetna thup mawi a, sorkar khawl hmanga Opposition Leader beih nana an hmang zel hian khawtlang nunhonaah dik lohna leh hleilenna tichhuaktu lian ber an ni tih a tilang chiang hle," an ti.