Judicial Service inkhawmpui

Mizoram Judicial Service Association (MJSA) chuan Inrinni khan Aijal Club-ah General Conference vawi 27-na an hmang a, Gauhati High Court judge, Justice Michael Zothankhuma'n a hmanpui.

Justice Michael Zothankhuma chuan, MJS post 16 ruak hnawh khat turin High Court-in chak taka hma a lak mek thu a sawi a; judicial officer-te'n an hna ṭha taka an thawh vangin lawmawm a tih thu sawiin, judicial officer-te chu an court ṭheuhah hun vawng dik turin a chah.

MJSA conference-a an thurel zingah, Gauhati High Court judge atan MJS mite ruat an nih ve theih nan hmalak a tel.

Kum 2016-18 chhunga hruaitu tur an thlang nghal a, president-ah Lucy Lalrinthari, ge-ne-ral secretary-ah Lian-sangzuala bakah hruaitu dangte an thlang.

Tun dinhmunah MJS thawk lai mi 30 an awm mek a ni.