NEDP-ah sum tam thei ang dah tum

NEDP Core Commit-tee chu December 16, 2016 tlai khan Planning department conference hall-ah chief minister Lal Thanhawla hoin an ṭhu-khawm a; sorkar kum tharah NEDP-ah sum a tam thei ang ber dah an rél.

Chief Minister chuan, mipuite'n NEDP an dawnsawn dan leh mithiamte hmuh dan nia a hriat a sawi a, "Tun hnaia Zokhaw lama kan zinnaah mipuiin NEDP hi an welcome a, feedback pawh kan hmu ṭha. Mithiamte'n NEDP hi ṭha an ti a, Mizo mipui mil záwng tak niin ka hria," a ti.

Meeting-ah hian Mi-zoram Football Asso-ciation-in Sairanga hmun-hma an neih cheibàwlna atan NEDP kaltlangin sum ruahman ni se, tih an pawm a, a theih ang anga chei ni se, an ti. Scheme/project thar paruk chhawpchhuah chu ram hmasawnna atan a pawi-mawh tiin, chuta tana sum hmahruai (token allo-ca-tion) siam ni se, tiin an rel.

NEDP kalpui dan leh ûm zuina atan monitoring template hnuaiah quar-terly progress report, utili-zation certificate leh completion certificate ruang-ám chhawpchhuah chu meeting hian a pawm a, uluk taka vil ṭhin ni se an ti.

Sorkar kum thar 2017-18 chhunga NEDP atan sum ruahman zat tur chungchang sawiho a ni a, chuta tan chuan a tam thei ang ber dah a nih theih nan hmalak ni se tih a ni.

Meeting-a tarlan danin, NEDP hnuaia scheme leh project tam zawkte chu tluang leh phûr takin department hrang hrangte'n chak takin an kalpui mek a ni.

Chief Minister’s Rural Housing Scheme atan unit khat zelah beneficiary cost chu kumin atan Rs. 50,000 zel pawm a ni a; he scheme hi kumin sorkar kumah Siaha, Lawngtlai leh Serchhip district-ahte ṭan a ni dawn a, mi 1,200 tuam tura ruahman a ni.

Meeting-ah hian Agriculture minister R Lal-zirliana, Finance minister Lalsawta, LAD minister PC Lalthanliana, chief secretary Lalmalsawma, Finance commissioner LN Tochhong leh Plan-ning secretary Dr C Van-lalramsanga te an tel.